ḳheeyal-o-ḳhawab hua barg-o-bar ka mausam ☆Parveen Shakir☆

ḳheeyal-o-ḳhawab hua barg-o-bar ka mausam

bichhad gaiya tairi surat bahar ka mausam

kae rutou sy mairy nim-va darichoun main

Thahar gaiya hai tairy intizar ka mausam

wo narm lahjy main kuch to kahy ki lauT aya

samatoun ki zameen par phouwar ka mausam

paiyam aaya hai phir ik sarv-qamat ka

mairy wajud ko kheenchy hai daar ka mausam

Wo aag hai ki mairi por por jalti hai

mairy badan ko mila hai chinar ka mausam

rafaqaton ke na.e ḳhawab ḳhushnuma hain magar

guzar chuka hai tairy e.atibar ka mausam

hawa chali to na.i barishain bhi sath aaeen

zameen k chaihry py aaya nikhar ka mausam

Wo marai naam liay jaa.e aur main us ka nam

lahu main guunj raha hai pukar ka mausam

qadam rakhy mirii ḳhushbu ki ghar ko lauT aay

koi batain mujhy ku-e-yar ka mausam

Wo roz aa k mujhy apna pyar pahnaye

maira ghurur hai bele ke haar ka mausam

tairy tariq-e-mohabbat py barha socha

yeh jabar tha ki taire iḳhtiyar ka mausam

Leave a Reply